第四場     備  試

( 一個大帳篷，上面繪有中國武士的人像。場上放著三張凳子和花轎棺材各一。)

( 三大臣先後由帳篷中間的那個出口上場。他們後邊跟著兩個僕人。一個手拿紅燈籠，上書 “ 囍”字;一個手拿白燈籠，上書 “ 喪”字。)

平：( 白 ) 那三下倒霉鑼聲，惊動皇城，鬧醒全城。

唔管果個傻瓜做唔做得駙馬，我地而家就準備佢呢場測試。

你地聽住：我地辦事要注意比併。

潘：( 不解地，白 ) 平大人，乜野叫做 “ 比併 ”?

平：( 白 ) 把幾件事併做一起，試量一下佢地比例。

比例要得當， 唔好一個沉來一個昇。

潘：( 疑惑地，白 ) 乜野事併做一起， 好量輸贏？

平：( 白 ) 紅白喜事併做一起， 最好聽。

潘：( 惊詫地，白 ) 呸！大吉利事。

乜野叫做量一下比例， 點樣算得清?

平：( 白 ) 聽住：我地做準備工作，婚禮半成，葬禮半成。

說不上誰輸誰贏！

彭：( 趨前，白 ) 你地講乜話，點解我都聽唔明？

平：( 白 ) 王子測試成功，就把鴛鴦帳升。

潘：( 恍然大悟，白 ) 佢測試不成，就要哀樂鳴。

彭：( 得意地，白 ) 花轎，棺材，睇一眼我就明。花燭奚錢，

摸一下我也明。和尚唱喜歌， 聖僧唸哀經，邊個先開聲？就靠果個傻瓜既命黎定。

潘：( 白 ) 我提紅燈拿喜笙。

平：( 白 ) 我抬花轎亮紅纓。

彭：( 白 )你兩個搶辦喜事好聰明。

平：( 白) 好事成雙嘛，要兩個人辦定。

彭：( 白 ) 禍不單行，葬禮卻只我一個人擔承。

潘：( 白 ) 兄弟，你可是獨當一面，責任可不輕。

平：( 白 )一切按老規矩定，紅燈籠與白燈籠，花燭與元寶，

喜錢同奚錢，花轎同棺材，樣樣要備定。抬大紅花轎或係棺材起靈，睇果個傻瓜既命點樣叮嚀。

彭：( 白 ) 我準備好多銀箔金錠。

潘：( 白 ) 我準備好多茶葉、糖果和蜜餅。

平： ( 錦城春 ) 京城，京城！

你睡過好幾個世紀還未醒。

以前事都按古法辦定。

可如今有左圖蘭多，陰氣太盛，

要將男人殺清。

潘：( 接唱 ) 佢開口，男人就啞左聲。

謎語三道要好多男人命。

 ( 三人靠著凳坐下，他們查桌上的卷宗。)

彭：( 白 ) 查查查，查一下對這些求婚者，有冇

 ( 接唱 ) 唔記得殺，有冇殺剩？冇死剩？有殺剩？

潘：( 接唱 ) 鼠年整死六條命，

狗年八個鬼點名。

要左一打命，就在虎年早殺定。

彭：( 接唱 ) 呢係乜官命，乜官名？我地糊塗分唔清。   

平：( 白 ) 我話俾你地知，我地呢幾個人組成既內閣，

就係叫做殺人內閣，好一個官名。

潘、彭：( 一副無奈的表情，白 ) 哈哈， 殺人內閣，好官名！

( 忽作惊醒狀 ) 不！殺人內閣，壞名聲！

平：( 小紅燈 ) 我河南老家既門庭，

青竹環繞春色儘傾。

我讀書求功名，

離鄉來京城，

官運亨通做大卿。

潘：( 接唱 ) 我家山林靠住齊境，

寬闊無邊綠葉青青，

我忍痛捨棄來京求功名。

( 白 ) 我好想番去叻。

彭：( 秋下西歧  )豪宅華園在魯境，

好一派芳馨，唔似在呢度有血腥。

求功名我步步高陞。

我心水清，記住孔子叮嚀，

番去我家院庭。

平：( 接唱 ) 哎，要命長好過要功名。

潘：( 接唱 ) 我最愛花香滿城，

我唔想再嗅血腥。

積陰德身後冇罵名。

彭：( 接唱 ) 回鄉養老，悠閑更長命。

 ( 三人垂頭喪氣地坐著不動。)

潘：( 嘆息，白 ) 呢個世界，有咁多鬼迷心竅既情郎，

滿懷希望黎到呢個鬼地方。

平：( 白 ) 撒瑪爾汗高貴既皇太子向佢求婚，

圖蘭多卻高高興興把佢送俾閻羅王。

後台眾人：( 白 ) 加油磨呀，大刀閃閃發光！

揮大刀呀，刀上鮮血流淌！

彭：( 摸著耳，白 ) 果個印地安酋長，佢戴個耳環好似個大鈴鐺。

佢追求愛情黎到呢個鬼地方，結果亦係刀下亡。

平：( 沉思地，白 ) 先前有個韃靼人，帶隻弓有六尺長，

穿著皮衣裳，結果命係刀下喪。

三大臣：( 白 ) 全都刀下亡，殺個精光。

後台眾人：( 白 )加油磨呀，大刀閃閃發光！ 揮大刀呀，刀上鮮血流淌！

潘：( 嘆息地，白 ) 在呢個圖蘭多橫行既地方，

我地只有把家人和愛情遺忘。

平：( 生氣地，白 ) 公主唔再係公主， 所有人都發了狂。

彭：( 白 ) 好多吃人狼。

潘：( 白 ) 真係殺人狂。

 ( 彭、龐又坐回原處，平走上前，舉起雙手，兩眼直視天空，向天禱告。)

 平：( 莊重地，白 ) 天上虎將軍，救救圖蘭多，救救中國！

( 中板)你教圖蘭多，學會歡笑。

教佢入洞房， 早惜春陰， 喜渡鵲橋。

佢雖威揚神州，但鴛鴦帳內，打情罵俏，

( 滾花)係夫君主花朝。

( 秋江別尾段)惜花呀，樂不少;

痴心呀，讓嬌把魂銷。

等到公主樂得逍遙，

神州才不乏昇平調。

( 白 )天呀！ 中國唔想血再流！快叫公主擇定佳偶，少女深閨添錦繡，進洞房度良宵莫再愁。

彭：( 獻殷懃，白 ) 不愧係司徒大人，滿肚墨水，講得頭頭是道，

句句漏油。上天會聽你稟奏，我就把棺材扔到山岰。

潘：( 高興地，白 ) 我地抬花轎滿宮遊。

平：( 興奮地， 白 ) 我鋪好那柔軟既枕頭。

彭：( 拉著潘，白 ) 去，去，去，拿香水噴洞房，從尾噴到頭。

平：( 拉潘彭二人，白 ) 黎，黎，黎，我地三個老坑到花園里頭。

彭：( 站立，白)去做乜野，係唔係去睇燕還巢。

平：( 笑，白 ) 睇雀仔有乜好睇？我地不如去把情歌奏。

潘：( 點頭，白 )係，係，係，我地亦要洗洗靈魂污垢，

我地幾個老坑，亦要學會溫柔。

(  彭、潘圍著平在手舞足蹈地轉圈。)

平：( 站在台前， 雙手抱胸，望天， 白 )幸運， 中國！

女人會發愛情夢；男人求愛唔會一場空！

潘：( 嚴肅地，白 ) 咁先要圖蘭多既心被愛火燒紅！

彭：( 肅立，白 ) 家家就會掛個大紅燈籠。

( 忽然，從宮內傳來的吵鬧聲越來越大，他們沉住氣， 彭和潘各自向棺材、花轎奔去。)

平：(  大叫 ) 倣夢、做夢，我地好夢一場空。

那邊宮殿人頭湧湧， 廟堂內鼓聲隆隆，整個京城在震動。

潘：( 側耳一聽， 白 ) 你聽還有喇叭聲，唔會再有安寧。

可能有典禮或酷刑。呢一世真難搵個安全洞。

彭：( 慌亂地，白 ) 唔知道係花轎抑或棺材先啟動？

潘：( 遺憾地，白 ) 睇黎情歌，要留到第二世，先至有機會唱啦。

我地唔好再發懵！

平：( 惋惜地， 白 ) 虧我地剛才還作了一個溫柔夢。

( 彭欲回頭抬棺材，潘又要回頭抬花轎。)

彭：( 白 ) 喂，老兄，讓我先動。

潘：( 白 ) 喂，老兄，讓我先動。

潘、彭 ( 二人爭執，白 ) 我先動！我先動！

平：( 上前攔截，大喝。) 你地兩個嘈乜野，大家都唔准動！

一切等待那測試，睇清楚係圖蘭多上大花轎，抑或係傻瓜既棺材啟動?冇我既命令，你地都唔准動。如果你地亂咁動，佢要上大花轎，你又抬來一副棺材，大吉利事！把喜事來衝。如果，果個傻瓜入左棺材，你又抬來一座大花轎，果陣時，圖蘭多紅顏大怒，金口一動，我睇你地兩個既狗頭，能有幾多次來搬動！

(平驅趕二人放下棺材和花轎，三人踉踉蹌蹌地下場。)

( 幕  下 )