下世紀再嬉戲

你係邊啊?

唔好再哩埋啦

你睇下

月亮姐姐都

借左個電筒俾我

媽咪仲

等緊我地

今晚係冬至

你記唔記得啊?

冬大過年

買左你最鍾意食0既

雞翼尖

你每次都食晒

０的飯先食

食飽飯

舊年

我同你

猜皇帝

你唔記得啦?

你輸左啊!

俾左兩張閃咭我

你係邊啊?

我認輸啦!

你快0的出來啦!

你記唔記得啊!

上次我

搵左你好耐

你係草叢露出少少

衣角

我本來唔出聲

打算

嚇　你一跳

你轉過身

咪咪嘴

笑唔停

我好累啦!

係鞦韆架上面

好似好多雲

都見唔到星星

如果而家有一粒流星

你一定要出來

同我

一齊許願!

你出來啦!已經好夜啦!

唔知而家幾點呢?

公園都無晒小朋友

只有

你同我

今晚好大風

你有無著多件衫?

就來聖誕節

我想要一件紅色冷帽

你話好唔好呢?

你睇下，有一隻黑色既蝴蝶

因為好凍

佢慢慢咁飛

聽媽咪講

蝴蝶不過冬

唔知佢聽日會點呢?

佢會唔會同我地

一齊返屋企

食飯呢?

佢停左係度

佢唔再郁

你終於出來啦!

原來蝴蝶叻

搵到你

你做咩扁咀啊?

你掌心好凍

我地手拖手

慢慢行啦!

聽日再來玩

或者

今次由你搵番我．．．

         ✽✽✽僅將這首作品送給那兩個可憐的女孩✽✽✽