 |
||||||
|
第五場 破 謎
( 一個巨大的方形廣場在宮墻內。中間有玉石階梯， 階梯頂端有寬闊的平台， 平台後有拱門。)
( 幾個官員指揮下人到處掛起紅燈籠。群眾湧進廣場。跟著大臣們上場。在大臣們後面走著的是八大賢人，他們都是些老人。他們各自帶著三個藏著圖蘭多謎語答案的密封卷軸。)
( 儀仗隊上場。士兵、劊子手亦上場。)
眾人：( 白 ) 看那八大賢人，端莊威嚴令人敬仰。 手中三個密封卷軸， 係三道謎語答案正好端詳。
官員：( 白 ) 皇上駕到！
( 階梯頂上，老態龍鍾的皇帝阿爾木圖，走上御座。)
( 眾人伏地，廣場全射紅光。隱名王子立於階梯下，鐵木爾和柳兒在人群中站著。)
眾人：( 高呼 ) 吾皇萬歲萬歲萬萬歲！
皇帝：( 白 ) 平身。
( 眾起立。)
官員：( 白 ) 啟稟陛下，有一位青年敲鑼索謎，向圖蘭多公主求婚。
皇帝：( 用蒼老無力的聲音白 ) 公主可怕既誓言， 將我糾纏。 我又唔能夠唔忠於呢個誓言。直到我既皇冠被鮮血浸染，果時我才能取消呢個誓言。許多求婚人血染階前，佢地唔係犯罪，而係愛情將佢糾纏。我自問當皇帝咁多年，未試過把溫柔情郎變成死屍。你，你，你呢個青年趕快回到你爹娘身邊，唔好再冒險上前。
隱名王子：( 堅定地上前，白 ) 至尊既天子，我要接受命運對我考驗。
皇帝：( 幾乎是懇求地，白 ) 難道你要我在駕崩之前， 又多讓一個青年鮮血， 泡我身邊。
隱名王子：( 再堅定地上前，白 ) 至尊天子，請給我測試。
皇帝：( 惊恐地，白 ) 我唔要，唔要這些恐怖再籠罩我玉階前。
隱名王子：( 更強烈地，白) 至尊天子，我要接受天命。
皇帝：( 帶威嚇的怒意，白 ) 既然你醉心要上西天，要成仙。 咁就讓命運判定，你能食人間煙火幾多年？
眾人：( 高呼 ) 吾皇萬歲萬歲萬萬歲！
官員：( 踏步上前，全場肅靜。白 ) 皇上有令： 圖蘭多公主招駙馬， 一定要王室血統， 還要把三道謎語猜中。如果測試不成功，就被刀斬示眾。
( 一片死寂。後台瑟瑟有裙裾聲。)
官員：( 白 ) 公主駕到。
( 人們迎向後台，行半跪禮。齊呼：公主千歲千歲千千歲！ )
圖蘭多：( 白 ) 平身。( 走向御座前。) ( 白 ) 父王萬歲萬歲萬萬歲！( 伏地行大禮。)
皇帝：( 愛憐地，白 ) 皇兒，平身。
( 美麗冷峻的公主站在御座前。她冷冷地看一眼隱名王子。隱名王子微抖，隨即深情地望著她。她心頭一顫，但馬上又作出矜持的姿態。)
圖蘭多：( 白 )你係• • • • • • ( 走近隱名王子，凜凜然。)
隱名王子：( 白 ) 王室血統。
圖蘭多：( 白 ) 你既姓名？
隱名王子：( 白 ) 王子。
( 圖蘭多作無奈狀，走在人們面前。)
圖蘭多：( 魂斷藍橋 ) 想起那宮廷慘變！ 好久之前，一聲慘叫，震撼我呢座宮殿。 陸鈴公主，係我祖先。 佢施政仁慈，百姓共慶太平天， 國泰民安樂連連。 韃靼王旗， 在京城邊， 風捲殘雲就在開戰那年。 ( 此時，隱名王子，鐵木爾，柳兒作驚訝狀。) 向我開戰，拋刀劍。 唉！可憐見！ 擄我陸鈴， 毀我王殿， 唉，恨海難填！ 陸鈴飲恨在天邊， 埋在韃靼墳裡面。 此恨綿綿，永記心田！
( 隱名王子與鐵木爾交換眼色。圖蘭多又步上階梯。)
眾人：( 輕輕地， 白 ) 韃靼舉起七面旗， 在開戰那年。
圖蘭多：( 激動地， 白 )：那是人們忘不了既年代， 到處都係刀劍。 推翻我王國， 擄走陸鈴既生番，生得就像你既臉。陸鈴一聲絕望呼喊之後，佢那美麗的面孔再也不出現。佢絕望呼喊我地代代記。我敬重這仁慈既祖先。我記住那災變。我就是陸鈴再現。前世冤仇今世報， 滾回去， 你生得樣子像那個害我陸鈴那樣既生番，滾！唔准在我眼前出現！
隱名王子：( 背白 ) 佢訴前事句句係哀言，賢子孫確難把這仇恨嚥。 滅佢國、擄佢祖先，竟係我祖先。好在佢還未知我身世。不然，佢會把家國恨千古愁來添。佢不但唔會俾我索謎語，講唔定會拋我落鑊來煎。 ( 中板 ) 聽佢言語，我不禁膽顫心驚。 全因我既韃靼軍， 害佢祖先喪了命。 家仇與國恨，佢一定不肯容情。 那城牆掛人頭，害世間不安寧。 亂下皇令來草菅人命， 拿人頭來當酒罌， 濫用報仇之名， 來慰佢祖先顯孝名。 你，你呢個公主， 將仇恨充塞宮廷; 靠咁幹預王政， 荒唐，太荒唐，真係滅絕人性。 ( 二王 ) 佢將仇恨當法寶， 佢要將仇恨，迎向那無辜既男性， 我知男兒蒙冤死， 怎能不深表同情。 ( 七字清板 ) 謹奉衷言俾佢聽， 恩怨要在呢代停。 以愛解仇重相知， 我要向佢訴衷情。 把是非來定正， 向佢叮嚀： 盡孝盡情， 盡孝何傷佢盡情。 我要教嬌娘， 搏得個淑女之名。
圖蘭多：( 走馬英雄 ) 一於要飲生番血！ 看隊伍長排起， 生番王子有幾許？ 佢地要摘那天上月， 好比水中撈月。 為陸鈴慘死，為佢貞潔， 要飲生番血。 我係帝女，要伸先祖奇冤， 鳳飛天闕。 我美色如玉， 係人間奇絕。 孤芳自賞，膽肝冰雪。 嘆一句愛情如夢， 好比曹操唾壺空悲歌缺。 你想佔帝女， 像南柯夢空如許。 我快活美好如鵲， 你雄心好比長天暮， 像那蒼天涼月，雲破月缺。 ( 白 ) 為陸鈴既貞操、為陸鈴既呼喊、為陸鈴既慘死， 我要向你地報仇， 砍你既頭；喝你既血！ ( 冷峻地向隱名王子，白 ) 你想活命就馬上滾回你既巢穴。你想碰一下運氣，謎語有三則，你結局唯有任我肆虐！
隱名王子：( 激動地，白 ) 不！結局係我勝利！
圖蘭多：( 威嚇地面對隱名王子，白 ) 謎語有三則，結局係你一定死！
隱名王子： ( 堅定地白 ) 不！不！結局係我勝利！
皇帝：( 嚴肅地，白 ) 皇兒，向呢個外鄉人講謎語。
圖蘭多：( 莊重地面向皇帝行了個禮，白 ) 遵旨！ ( 站在階梯高處，向著隱名王子，白 ) 外鄉人，你聽著： 第一道謎語---- ( 全場寂靜，人們屏息呼吸，注視著公主。) (柳瑤金)明月照夢鄉， 有七彩幽靈在飛揚， 好多人要佢幫參詳。 天明冇左佢影像， 佢又在人心上; 月夜佢又重新長。 天明冇左佢影像， 好多人要佢參詳。 笫一道謎底係乜野？ 你好好思量。
(人們緊張地注視著隱名王子，只見他神色泰然。)
隱名王子：( 不加思索地，白 ) 佢會新生，佢為新生而歡唱， 我要同佢共享。
( 圖蘭多站在階梯高處，冷笑。鐵木爾見狀，打了個寒噤，柳兒趕忙攙扶。)
圖蘭多：( 冷峻地，白 ) 廢話少講，第一道謎底係乜野？
隱名王子：( 高聲地，白 )係 “ 希望”！
( 圖蘭多惊震一下，很快又恢復先前的冷峻。全場除隱名王子外，沒有誰覺察到她的神色有。隱名王子見狀，露出勝利的微笑。)
( 八賢人紛紛打開第一卷軸，眾人緊張地望著。惟獨隱名王子悠然自得地望著公主。)
八賢人：( 齊聲白 ) 係“ 希望！” 猜中第一道謎語。
( 隱名王子與鐵木爾相視而笑。公主一臉晦氣。台的一角，三大臣在議論。)
潘：( 白 ) 呢個傻瓜可能唔會丟腦袋， 確保安康。
彭：( 白 ) 係唔係叫我將果副棺材，丟到短松崗？
平：( 白 ) 咁樣，城墻就唔再滴血千行。
圖蘭多：( 生氣地從高處階梯走下一步，暴躁地，白 ) 對，係 “ 希望”。不過，佢總係使人上當。 聽住，外鄉人，我講第二道謎語---- ( 海棠春)有一物，佢會發光明彰， 會發熱，使人亂性失常。 當你失意，佢又冷卻如嶂; 當你功成月滿花香，佢又沸騰向上。 佢常與你心相向，佢聽到你聲響，顫得更強。 你問佢色味又怎樣？紅得火咁紅，沒有一點香。 你作夢都別想， 想猜中一雙。 謎底係乜野? 你好好思量。 ( 白 ) 為了活命，你快些答上！
柳兒：( 懇求地向著隱名王子，白 )為了愛，你快答上。
隱名王子：( 微笑地向柳兒點點頭，白 ) 對，為了愛，我會答上。 會沸騰，會冷卻，會動，又會發熱，又似太陽紅咚咚， 佢在我血管中流動，佢係• • • • • • (全場緊張地，寂靜無聲。) 佢係“ 鮮血！”
(八賢人打開第二卷軸。)
八賢人：( 齊白 ) 係 “ 鮮血！” 猜中第二道謎語。
群眾：( 議論紛紛，白 ) 好，答得好！
圖蘭多：( 氣沖沖地面向侍衛，指著群眾，白 ) 命令這些壞人安靜！
侍衛：( 面向群眾，大叫 ) 肅靜！
( 圖蘭多從階梯走下，俯身向著隱名王子。他趕忙屈膝下跪。)
圖蘭多：( 冷峻地，白 ) 外鄉人，你聽住： 我既第三道謎語---- 係冰霜，冰霜又會使人燒透，喜怒冇來由。 ( 踏月行 ) 冷冰霜，不光亮，寒嗖嗖使你發抖。 佢將你燃燒，佢就變得涼透。 ( 白 ) 聽住！你想當奴隸還是想自由? ( 接唱 ) 愛恨善憂拋腦後， 佢執意俾自由，你就成奴隸，飽賞苦與憂; 佢執意你當奴，你就成君王，不用再生愁。 ( 傲慢地向著隱名王子，白 ) 第三道謎語係乜野，你快講，我睇你， ( 續唱 ) 魂魄早已走，神色愴惶，冷汗滿頭！
( 隱名王子縝定。圖蘭多俯身在他之上，神情冷酷威嚴。)
圖蘭多：( 輕蔑地，白 ) 你講，乜野係冒著火焰既冰霜？
( 隱名王子躍起，圖蘭多急退後。)
隱名王子：( 歡喜雀躍地，白 ) 啊！你己經把勝利送俾我啦！ 我講過我既火焰會熔化你啦。呢塊冒著火焰既冰霜就係你• • • • • • (雙手向天高舉，大叫 ) 係“ 圖蘭多！”
( 公主臉色蒼白，全身微顫。在場的群眾在騷動。鐵木爾呆呆地望著兒子。)
八賢人：( 打開第三道卷軸，齊白 ) 係 “ 圖蘭多！” 第三道謎語又猜中！
群眾：( 雀躍地，歡呼 ) 光榮屬於勝利者！至高無上！ 光榮，圖蘭多公主， 生命向你歡笑，愛情為你歌唱！ ( 伏地高呼)吾皇萬歲萬歲萬萬歲！
( 鐵木爾還不大相信眼前的一切，木然地站著。)
柳兒：( 上前搖搖鐵木爾，又喜又憂地，白 )老主人，小主人佢• • •
鐵木爾：( 惊恐地，白 )我皇兒， 佢點樣啦？
柳兒：( 白 ) 佢把三道謎語全猜中！
鐵木爾：( 高興地，白 )全猜中，咁佢就有命啦！
柳兒：( 白 ) 唔單指係咁呢，佢還可以當駙馬啦！
鐵木爾：( 白 ) 當唔當駙馬有乜野咁緊要，最緊要係，保得住條命！
平：( 白 ) 一天都光啦，光輝照八方。
潘：( 白 ) 我快抬花轎走在最前方。
彭：( 白 ) 我趕緊將副棺材，丟到山崗。
平：( 白 )你地睇圖蘭多既臉，陰雲滿佈，講唔定又要拗計。 你地唔好亂動，睇準才決定去抬花轎還是抬棺材？對呢個刁蠻公主，我地不得不防。
圖蘭多：( 神色懊惱地復登上階梯，靠著御座，白 ) 聖明既天子， 尊敬既父王， 唔好將你既女兒，拋進那異鄉人既空房。
皇帝：( 尷尬地，白 ) 你有過神聖誓言。 那異鄉人把三道謎語全猜中， 你無法為自己設防。
圖蘭多：( 撒嬌地，白 ) 唔，邊個講誓言神聖，你女兒先至係神聖。 我唔要嫁俾佢呀。( 作哭狀)
皇帝：( 白 ) 皇兒，唔好喊啦！
(三大臣在場的一角背白。)
彭：( 白 ) 唔要緊，有邊個大姑娘上花轎前唔喊啦。
潘：( 詭秘地，白 ) 佢喊得好似哭喪。
彭：( 白 ) 佢又靚又蠻又窩囊。
平：( 白 ) 我地不得不防。
圖蘭多：( 白 ) 誓言唔算得神聖。 ( 撲仙令)天下女，以我為首; 講神聖，以我為首。 憐帝女，你應為我分憂， 我拒絕，以佢為偶！ (白)父王呀，我唔要嫁俾佢呀！(作哭狀)
皇帝：( 接唱 ) 你待佢，重慘過木偶； 佢為你，寧願拋人頭。 睇你流淚，為你憂; 你反皇令，為皇發愁。
圖蘭多：( 憤怒地，白 ) 我決唔屈膝，我決唔屈膝！ ( 憤怒地轉向隱名王子，白 ) 唔准你用咁既眼光睇住我，你呢種眼光，好似拎我既驕傲來諷刺。唔准咁樣睇我，我決唔屈服你！
( 隱名王子更加含情脈脈地望著她。)
平：( 背白 ) 只有圖蘭多先至敢亂性，違反皇令，亂宮廷。
潘：( 背白 ) 既然圖蘭多要反悔，何必當初又要立誓， 害得咁多傻瓜既頭， 掛滿城。
彭：( 背白 ) 娶個咁既刁蠻公主，我寧願摟只母豬， 還定性。
圖蘭多：( 威嚴地對隱名王子，白 )你強迫我歸屬你。你要逼我改性情？
(隱名王子笑而不答，踱了幾步。)
彭：( 白 )傻瓜，講： “ 係呀！”
公主：( 瞪了彭一眼，再逼近隱名王子，白 ) 你講！
隱名王子：( 急轉身，面向公主，溫柔地，白 )不！ 驕傲既公主，神聖既化身，帶著火焰既冰霜，你聽住： 你既把自己比作冰霜，卻又說帶著火焰。咁樣，我情火熔熔，情酒千觴，定會讓你醉 倒在情場。我唔會勉強你，而係要你愛我，我要你靠愛情皈依我。咁樣，我地就會恩恩愛愛，如膠似漆，雙雙臥在東床上。
( 圖蘭多怒氣有些緩解。)
平：( 背白 ) 想唔到呢個傻瓜係個真君子，氣貫長虹。
潘：( 背白 ) 勇敢，豪放，真摯，剛毅。係個好種！
彭：( 背白 ) 乜野咁好種，我講佢係個傻瓜種。
隱名王子：( 南進宮 )冷冷晨風妒花惡，吹斷枝頭萼。 晚風妒螢，螢飛明滅空索寞。 最憐獨飛燕，孤單又落泊。 獨攬香衾覺得衾偏薄， 寒猶在晚風仍作。 莫空守香閨，一生寂寞。 瓊枝璧月春如昨。 搵個安樂窩。 心弦動，莫讓音斷弦索。
( 圖蘭多作聆聽狀，見隱名王子看她，又作矜持狀。)
圖蘭多：( 背唱翠裙腰 ) 圖蘭多，我心憂。 要我嫁人，害我心添愁。 家國恨悠悠。 求陸鈴，求你保佑， 我替你報仇。 這世代仇恨，冇盡頭。 王子將我心事猜透， 一番說話牽動我心鉤。
皇帝：( 白 ) 年青人，我佩服你既真誠，你有乜野條件？
隱名王子：( 白)聖明天子，公主出三道謎語，我已猜中。 但我尊重佢意願。我只有一個條件：要佢知道我既姓名。在黎明前，若查出來，我就情願死去。如果查唔到，公主就嫁俾我。
( 圖蘭多點頭表示同意。)
皇帝：( 白 ) 我祈禱上天，黎明之後，你會成為我既半子。
眾人高呼：吾皇萬歲萬歲萬萬歲！
( 幕 下 )
______________________________ 版頭圖片選自京劇版《圖蘭朵公主》
|
|
|||||
